આગામી 5 વર્ષમાં 2 લાખ નોકરીઓ, સરકારે મોબાઈલ મેન્યુફેક્ચરિંગના 16 પ્રસ્તાવોને આપી મંજૂરી

0
111

કેન્દ્ર સરકારે મોબાઇલ અને મેન્યુફેક્ચરિંગની સ્થાનિક અને આંતરરાષ્ટ્રીય કંપનીઓની 16 દરખાસ્તોને મંજૂરી આપી દીધી છે, જે દેશમાં લગભગ 11 હજાર કરોડનું રોકાણ લાવશે. આ રોકાણ આગામી પાંચ વર્ષમાં 10.5 લાખ કરોડ રૂપિયાના મોબાઈલ ફોન બનાવવા માટે પ્રોડક્શન લિંક્ડ ઇન્સેન્ટિવ (પી.એલ.આઇ.) યોજના હેઠળ આવશે. સરકારે જારી કરેલા એક સત્તાવાર નિવેદનમાં કહેવામાં આવ્યું છે કે,મિનિસ્ટ્રી ઓફ  ઇલેક્ટ્રોનિક્સ એન્ડ ઈન્ફોર્મેશન એન્ડ ટેક્નોલોજીએ 16 કંપનીઓની અરજીઓને PIL સ્કીમ હેઠળ મંજૂરી આપી દીધી છે.

એપલ, સેમસંગ અને LAVAના પ્રસ્તાવને ગ્રીન સિગ્નલ

જે કંપનીઓની દરખાસ્તોને મંજૂરી આપવામાં આવી છે તેમાં આઇફોન ઉત્પાદક એપલના કોન્ટ્રેક્ટ મેન્યુફેક્ચર્સ ફોક્સકોન હોન હાઈ, વિસ્ટ્રાન અને પેગાટ્રન ઉપરાંત સેમસંગ અને રાઇઝિંગ સ્ટારના કરાર ઉત્પાદકો છે. સ્થાનિક કંપનીઓની વાત કરીએ તો તેમાં લાવા, ભગવતી (માઇક્રોમેક્સ), પેજેટ ઇલેક્ટ્રોનિક્સ (ડિકસન ટેકનોલોજીઓ), યુટીએલ નિવોલિંક અને ઓપ્ટીમસ છે.

મંત્રાલય દ્વારા જારી કરવામાં આવેલા નિવેદનમાં જણાવ્યા અનુસાર પીએલઆઈ યોજના હેઠળ છ કંપનીઓને ઇલેક્ટ્રોનિક કમ્પોનન્ટ સેગમેન્ટ માટે પણ મંજૂરી આપવામાં આવી છે. તેમાં AT&S,Ascent Circuits, Visicon,Walsin,Sahasra અને Neolync છે.

2 લાખ રોજગારની તકો

સરકારની મંજૂરી બાદ, આગામી 5 વર્ષમાં લગભગ પ્રત્યક્ષ 2 લાખ રોજગારની તકો ઉભી થશે. આ ઉપરાંત પરોક્ષ નોકરીઓ પણ સર્જાશે. એક અનુમાન મુજબ પ્રત્યક્ષ નોકરીઓની તુલનામાં લગભગ 3 ગણી રોજગારની તકો ઉભી થશે. મંત્રાલયના નિવેદનના અનુસાર, આ યોજના હેઠળ જે કંપનીઓની અરજીઓને મંજૂરી આપવામાં આવી છે, તેમને ઇલેક્ટ્રોનિક્સ મેન્યુફેક્ચરિંગમાં 11 હજાર કરોડનું વધારાનું રોકાણ મળશે.

આ વર્ષે 1 એપ્રિલે મોટા પાયે ઇલેક્ટ્રોનિક્સ મેન્યુફેક્ચરિંગ કંપનીઓ માટેની પ્રોડક્શન લિંક્ડ પ્રોત્સાહન યોજનાને સૂચના આપવામાં આવી હતી. આ અંતર્ગત, પાયા વર્ષ દરમિયાન વિશેષ સેગમેન્ટના માલના વેચાણ પર 4થી 6 ટકા પ્રોત્સાહનની જોગવાઈ છે જે લાયક કંપનીઓ દ્વારા ભારતમાં બનાવવામાં આવશે. અહીં બેઝ યર 2019-20 છે.

[WP-STORY]

LEAVE A REPLY

Please enter your comment!
Please enter your name here